بــــــــــــــدووووون زعـــــــــــــــــل !!!

[ابر امكيس]

السلام عليكم

اما انتوا يا جماعة الربع فانحم قد الهينا عليكم وقدلنا فتره ما نكتب مواضيع جديده
وفي جلسه متعمقه في داخل بؤرة الذات اللا منطقيه المتخجلفه داخل العقد النفسيه الهوائيه واللا هوائيه في هذه الجلسه اتخذت عدة قرارات لوجستيه متعجرفة ادليت فيها دلوي واسفرت عن النتائج المصيريه التاليه( السطرين هذي من مجنونيات ابر امكيس قربا انشاء الله):D:D:D


المهم اني صرت اقرا بعض المواضيع ويدي تحكني ابغى اكتب رد واخوكم متهور يعني ماعندي انصاف الحلول فأتشره من الشباب وانا ارد على مواضيعهم وما اخذ اللا المنقود الله يكفانا وانتم شر المناقيد

المهم انا اقرا احيانا مواضيع وردود اتمدد من الضحك عليها والله اني اضحك على المواضيع اللي خارج الترفيهي اكثر من الترفيهيه نفسها :D(عادي خبل توقعوا مني اي شي)

المهم اني قررت ان اجيب بعض المواضيع والردود هنا واجلدها جلد واعلق عليها بكيفي :p
واللي يزعل يزعل;)

قولولي وش رايكم ابدأ ولا لا؟؟؟؟





الناقد الكبير ابر امكيس
:D

[vip]

من ناحيتي موافق

توكل على الله

واستلم مواضيعي اول شي وخذ راحتك

[سبـعـــاووي]

مفروض لكن مشرف يشوف موضوع موضوعه يجب ان يكون في المنتدى المشرف عليه
وهو في منتدى اخر انه يسحبه ويجيبه في المنتدى المشرف عليه

تحياتي

[رجال المع]

الله يحييك يابر امكيس وعلمك
تسلم وتبقى وانشاء الله ان حاجتك
موجودة ولايهمك ولاتبدي غير
مواضيعي ادري ان عينك علي
والله ييسر لك يا نقادنا المنتقد

[ابر امكيس]

:D [SIZE=3] يالله على بابك يا كريم... يا كريم


يالله بسم الله بدينا...


الموضوع : رجال تفتخر عسير بهم

الكاتب : الإمبراطور الله يعقل عليه به

طيب الزبده: ايوااااااه قلتولي الزبده الزبده ان الامبراطور كتب موضوع عن اشهر رجال عسير اللي تفتخر فيهم المنطقه قاموا الشباب يشكرونه ويمدحونه المهم باحث عن الحقيقههذا اسم عضو يحب امقاحره ما اعجبه الكلام وقال ان المفروض انا ما نعد اشهر الرجال لان هذا عيب وشرهه وانكم تبغون تنقدوننا من العرب .
وتواصلت الردود .الحاصل ان فيه رد لفت انتباهي وهوه للغالي طلق الريح الله يطعني عنه
وهذا هو الرد قبل المداخله:


(( الى أخي باحث عن الحقيقة ))
الى جميع الاخوان الحقيقه الواحد وده يقول الحقيقة ولكن ؟؟؟؟؟!!!
والله أني احترق الم ودي اقول ولكن انا لاارد الغالين الذين طلبوا مني عدم الرد والخوض في ؟؟؟؟!!!
على كل حال أني ارى أنه من حق كل شخص يبدي رايه انا لي راي وانت لك راي والحقيقة من وراى الستاره مغشي عليها أخواني vip والامبراطور ياليت الراى يكون
متبادل فأتم غالين ولايحتاج الى العصبية ؟؟؟؟ !!! أعلم ماسوف يلحق بي على كلامي
ولكن سلمت امري لله الواحد القهار الله يعين
من ناحية المنطقه فنسأل الله تعالى لها الفرج وأنقاذها من متابعة الصهيونية العالمية لها فانها مستهدفه والله من الدرجة الاولى وتعلمون ذلك وعملا الصهيونية ؟؟؟!!!!
والحقيقه غدة مثل الخيال
أخي باحث عن الحقيقة لك رايك ولي رائي والكل يبحث عن الحقيقة وهذه الحقيقة ولكن ؟؟
واعلم ان كلامي قد يكون اصم اعمى ولكن التلطيش في الزمن الاغبر يزيد عطش الضمأن ونصيحه لكم اخواني الواحد منا عاد ياخذله رحله الى الخارج لمدة اسبوع حتى يغير من جو المطاردات البوليسية بدبابات الماء البحريه ؟؟؟!!!
وعلى كل حال جاء دور الايبيستيمولوجية التي يعرفها اهل السياسة والعمق الفكري
أرجو المعذرة وتقبلوا فائق تحياتي واحترامي !!!!!!!!!!!!!!!!!!!!!!!!


طلق الريح.


وهذ رد طلق الريح بعد مداخلتي الكريمه:
طبعا اللي بين القوسين كلامي انا الله يخليني




[COLOR=purple](( الى أخي باحث عن الحقيقة )) (امش يالصدقي :( )
الى جميع الاخوان الحقيقه الواحد وده يقول الحقيقة ولكن( [SIZE=5]لا يا شيخ ؟؟ حلوه الحقيقه الواحد وده يقول الحقيقه ؟؟؟]والله أني احترق الم ( سلامات حط معجون اسنان على الحرق ارب الله :D )ودي اقول ولكن انا لاارد الغالين الذين طلبوا مني عدم الرد والخوض في ؟؟؟؟!!! (في ايش يامخبل؟؟:confused:)
على كل حال أني ارى أنه من حق كل شخص يبدي رايه انا لي راي وانت لك راي والحقيقة من وراى الستاره مغشي عليها(خلها تشم حبشوش والا بصل وشرهتك في وجهي ان ما قامت ) أخواني vip والامبراطور ياليت الراى يكون
متبادل فأتم غالين ولايحتاج الى العصبية (وشو؟؟؟:confused:)؟؟؟؟ !!! أعلم ماسوف يلحق بي على كلامي (مايلحقك الا كل خير يا رجال;) )
ولكن سلمت امري لله الواحد القهار الله يعين
من ناحية المنطقه فنسأل الله تعالى لها الفرج وأنقاذها من متابعة الصهيونية العالمية لها فانها مستهدفه والله من الدرجة الاولى وتعلمون ذلك وعملا الصهيونية ؟؟؟!!!!( تكفى يالبردعي|4|)
والحقيقه غدة مثل الخيال ( احلى يا ابو نوره :p)
أخي باحث عن الحقيقة لك رايك ولي رائي والكل يبحث عن الحقيقة وهذه الحقيقة ولكن ؟؟ (الرجال بدا يخبص::eek:
واعلم ان كلامي قد يكون اصم اعمى( نوديه معهد النور والامل|2| ) ولكن التلطيش في الزمن الاغبر يزيد عطش الضمأن ( هيا فهموني هذي وشلها من داعي؟؟:confused::confused:) ا ونصيحه لكم اخواني الواحد منا عاد ياخذله رحله الى الخارج لمدة اسبوع( صدقت والله الواحد يروح يفل امها في اريتريا ولا الصومال ويخربها هناك ويرجع |4||4|)
حتى يغير من جو المطاردات البوليسية بدبابات الماء البحريه ؟؟؟!!!(قصدك في جده؟؟ ولا فين بالضبط قال دبابات مائيه قال ؟؟ احنا لاقين نركب سيارات حتى نركب دبابات مائيه؟؟!!::eek:

وعلى كل حال جاء دور الايبيستيمولوجية-------------- ( لا هذي يبغالها جلسه:confused::confused::confu sed:)التي يعرفها اهل السياسة والعمق الفكري
أرجو المعذرة (لا لا معذور انا افداك )
وتقبلوا فائق تحياتي واحترامي !!!!!!!!!!!!!!!!!!!!!!!!
(الله يسلمك ولا يهينك وانا افداك ولعد تعلها ارقنا دخنا وانحم نقرا هذا الرد|3|)

تبغون تقرون وش قال باحث عن الحقيقه لما قرا رد طلق الريح؟؟

باحث عن الحقيقه يقول:
طلق الريح ..
الحقيقة أن الحقائق مرة كمرارة الفراق الذي لا لقاء بعده .(داخ الرجال من الرد )
لم أفهم ما تريد(الله ياخذمن يلومك وما ازراك لو لم تفهم) وقد أكون لا أريد أن أفهم ! ( أحلى يالعبيط )فمعذرة منك .(لا معذور الله لا يهينك


المهم يالربع هذا هو الموضوع الأول
ما يستفـــــــــــــــاد:

1- لا تكتبون موضوع الا وانتو في كامل قواكم العقليه :D


2- خلوا المقاحره لأن ما وراها اللا المناقيد :mad:

3- لا تدققون في بعض الكلمات غير المفهومه خلوها على مبنى الشايب :cool:


4- خلوا البندول قريب منكم قبل لا تقرون مواضيع بعض العرب |4|


5- اللي يفهم معنى كلمة (ا لايبيستيمولوجية) يعطيني خبر الله يرحم والديكم

6- ارقوني وراكم وراكم والوجه من الوجه ابيض :D:



الناقد الكبير :
ابر امكيس

[المتخصص]

هههههههههههههههههههههههههههههه ههه
هههههههههههههههههههههههههههههه هههههه
هههههههههههههههههههههههههههههه هههههه

الله يهبلك عقلن
بالحرام اني فطست ضحك خصوصا على مايستفاد من الموضوع
هههههههههههههههههههههههههههههه هههههه

[عيسى بن حسن السعدي]

السلام عليكم ورحمة الله وبركاته :
ابر امكيس هذا أنا اعتبره أول رد مني على مواضيعك وليس ذلك مني أنتقاص ولكن للبحث عن الجادة المفيده !!!
وذلك دئماً ما ارى خروجك عن النص !!!
ولكن في هذا فقد جعلتني سعيداً بان اكون ارد على هذا النقد !!
تعجبني ملاحظتك فعلاً وياليت كل الاعضاء ينقدون على الملاء حتى نفيد ونستفيد فلم اولد محملاً بالعلم ولااحد على مدار الكون ولد بعلم وحتى رسول الله صلى الله عليه وسلم لم يكن عالماً ولكن أوحي اليه بقوله تعالى ( أقراء وربك )
وربما جاءت منك بحسن النيه ولكن هذي هي الحقيقة نعم نريد فهم بعض الكلمات التي نتداولها وانت فعلاً سألت السؤال بعينه ؟؟؟؟!!!
أما الاجابه ففديتك على خشمي واقسمت أنني ارغب الرد الان والرد موجود ولكن سوف أتيح مجال للاخوان للأجابه عليه وهذا الذي يزيدني شرف وقد وقد يكون لساني غير لسان العرب !!!!
هذه المرة الاولى التي احب الرد عليك أتمنى بان تكون دائماً ولك وللاعضاء تحياتي جم !!!!

[سهيل اميماني]

على ما يقولون القحاطين
اش ذا الحكا يا ابرامكيس ....

يا حبك المناقيد حباه ...

[ابر امكيس]

افا يا ذا العلم يعني الموضوع ما أعجبكم؟؟؟؟



اما انت يا طلق الريح متى تفهم ان هذا المنتدى ترفيهي؟؟؟



طيب اغنيها لك ولا اصيح بأعلى صوتي
المنتداااااااااااااااااااا هذاااااااااااااااا ترفيهييييييييييييييي

هاه فهمت

المهم المهم استكمال هذا الموضوع اللي انا شخصيا اعجبني يعني بأكمله وقد قلت لكم بدوووون زعل

اما المناقيد فقد وثرنا بها

اما انتيا سهيل اليماني فبأعقدك

اتحداك تفسر رد طلق الريح اللي في الموضوع


خخخخخخخخخخ

عجزتك صح



طيب اتحداك تقول


خعاخع


عشر مرات

هذي ماهي اصعب من كلمت طلق

يالله سلملم
يالصدقيين




على فكره يا اعضاء المنتدى اللي ما اعجبه الموضوع يعلمني علشان الغيه ولا استمر فيه مع العلم ان الجميع راح يكونون محل طلق الريح واولهم انا



الناقد الكبير جدا جدا
ابر امكيس

[Al-EmBrAtOr]

الله يعقل عليه بك يا ابرامكيس

والله اني ميت ضحك عليك

استمر ونا اخوك.........

واتوقع انك جبت موضوع جميل جداً والاخ vip كان درع واقي لهم ..

سلملم يا برفسور

[ابر امكيس]

|4|نواصل معكم حلقاتنا النقديه (تكفى يا عبد العاطي بروان:D) بموضوع لvip الله ياخذني قبله:p

الموضوع :الحرب على الشعبين

المكان: بالغلط في العامه ;)

الموضوع:امريكا تحارب الشعبين واليكم الدليل
طبعا هذي سالفه صارت لي مع الوالده( حظها والولد:D)
هي تقرى( شكلك بليد في الإملاء تقرأ كذا تنكتب:D) ولكن نص ونص وكنت قاعد انا وهي عند التلفزيون نتابع الاخبار والمظاهرات في العالم وهي خايفه مره من الحرب لا توصلنا ( والله شكلها ما جابت خبر شي: :)وسالتني قالت تتوقع تجينا الحرب (في الطريق ماهي بتبطي)

قلت يا ولد خلني اخبلها شويه ( ماشاء الله تمون هاه::)
قلت لها طبعا وخاصه ان 13واحد من الي فجروا امريكا ((ابطال 11 سبتمبر)) من عسير والجنوب المهم وانا اسولف لها لاحضت شعار مركزين عليه الفلسطينيين وهو يقول (((لا للحرب على الشعبين )))بخط كبير وتحتها التكمله بخط اصغر مكتوب العراقي والفلسطيني يعني تطلع الجمله لا للحرب على الشعبين العراقي والفلسطيني ولكن لا للحرب على الشعبين بخط واضح وكبير ودايم يجيبونها في الريبورتاجات ( أحلى يا ريبورتاجات!!! تكفى يا ماجد الشبل --------قديم:D)الي تجي في الجزيره يوميا بامكانكم ان تشوفونها (هالنا مقنبرين عندها اربعه وعشرين ساعه|2|)
المهم قلت لامي شوفي وش مكتوب العالم يتظاهرون عشان ما يقصفون الشعبين بصواريخ امريكيه لانها قريب من مكه والمدينه وخليتها تشوف الشعارات الي قلت عنها فصدقت مسكينه لدرجه انها خافت من جد الى درجه اني حفت ( حفت ؟؟؟ يا حوااااف :o) عليها وقمت احف( بدا التخبيص وشو احف ؟؟ :) لها اني امزح ولكن مصممه اني صادق ماخذه مقلب اني عالم ولدها طبعا تدلعني(ليتها ارتاحت وبلا خلفه:D)
المهم انها من وقتها تدعي لاهل الشعبين ان الله ينصرهم على الغزاه ويحميهم من الحرب

على فكره الشعبين مدينه ( مدينه مره وحده؟؟؟ كلها شارع واحد ومتفرع منه كبري :o) في رجال المع للي ما يعرفها

الخلاصه لا عاد احد يمزح مع اهله في خصوص الحرب تروهم يصدقون كل كلمه نقولها عن الحرب
( الخلاصه عندي انا افداك بس اصبر شويه خلني اعلق على امردود التحيفه);)


الرد الأول للمتخصص وكلج فيه كعادته:

المتخصص

هههههههههههههههههههههههههههههه هههههههههههههههه (انتبه لا ينشق لحيك :D)

يازين قبل الام والله (قبل؟؟:confused: الله ياخذك قبلي يا شيخ:D)




الشعبين معرووووفه جدا
هي حي العليا في الرياض عند اهل تهامه (تتريق هاه؟؟:mad: ماعليه هال امعود لتهامه والله اخلي مدني يطردك من القهوه ما تطبها برجلك;))


الرد الثاني لأسود العود الله يسود وجه العدو

اسود العود:
هههههههههههههههههههههههههههههه ههههههههههه (نفس الكلام اللي للمتخصص علشان لا تطقطق براطمك وتعود على الفازلين ترقعها:D)

الله يقطع ابليسك.. (وابليسك معه;) هاله العن )

ذكرتني بجدتي ( أحلى يا هايدي:D) الله يحففظها..دايما كانت تقول الله يلعن خوش بوش..

قصدها طبعا المجرم .. الأرعن بوش الصغير ( تكفى يالصحاف!!! :D:D)

الرد الثالث كان لرجال المع سيوف تلمع (هذي من عندي زياده)


رجال المع :فال الله ولا فالك
الله يكفانا شرك ياذيه ( ومن يقول |2|)



ولو الشعبين لم تسلم ( لا ابشرك الشعبين بخير ما دام سلطان طراقيع فيها|4|)

مدري عن امبتيلة ( امبتيله روحي قتيله;) لا ابشرك انها بخير بس فيها حوادث شويه علشان الجوال اشتغل هناك والربع كلهم يمترون وهم يكلمون والله لا يوريك كل شويه حادث:D)


هذا هو الموضوع بردوده الحين جينا للأهم:

الزبــــــــــــــــــــده:

1- لو كان مع امك يالمتخصص مصوط عصيده ورضختبه راسك كان ما مزحت معها وكانت وتاتيلك فصخه:D

2- فكوكم من الشائعات تروا ما وراها اللا دمار ( احلى يالجاد اقول اقلب وجهك وهالت اللي بعدها:mad:)


طيب



3- لا تتابعون قناة الجزيره وتابعوا ال lbc تروها احسن علشان الجزيره فيها غزو فكري اما الثانيه مافيها الا كل خير ( اللا كل تبن وهات اللي بعدها:mad:)

طيب خلاص لا تعصب جايك في الكلام..:(



4- لا تكتبون بالخط الازرق الفاتح لأنه يعمي وما نقدر نقراه زي اللي فوق ( حاك عمرك------- طيب |2|)



5- يا حبذا (حلوه يا حبذا يلعن ام اللغه:D) الواحد ياخذله دوره في الإملاء قبل لا يكتب موضوع ولا يكتبه على الوورد ويصححه وبعدين يضربه في هذا المنتدى الله لا يهينكم


6- الطراقيع مضره بالصحه وخصوصا طراقيع سلطان طراقيع تروها مضروبه وقد افلح نص وجهي من صواريخ اشتريتها منه :eek:



7- اللي ما اعجبه موضوعي هذا لا يحطمني ويراسلني على ايميلي او يرسلي رساله خاصه تروني حرق وادنا ملي ازعل :)


8- فكوكم من السياسه لأن ما وراها الا البلا

لكم تحيات الناقد الكبير
ابر امكيس

باريس

[Al-EmBrAtOr]

( حفت ؟؟؟ يا حوااااف )

الله يرجك ...

وانا متوقع دوري جاي ... بس الله يعين عليك

[المتخصص]

اخذوا عقلك ياولد قل امين

قال مدني قااال ;)

[vip]

حسبي الله عليك يا ابر امكيس كنت متشخص قدام اصدقاي وواوريهم المنتدى ولقافه فتحت ذا الموضوع لقيت اسمي مرتز هنا

عموما راائع والله

اقراه وقاعد اضحك من قلب تسلملي على هالتعاليق الرائعه

[رجال المع]

ابر امكيس
واصل والله معك واصل
مافيها زعل وذا عتب
يشرب ماين

[ابر امكيس]

ياجماعه معليش انا آسف ما اقدر اكمل الموضوع هذا لظروف الاصابه

<<<<<<<<<<< عاش مصرف




ابر امكيس

[سهيل اميماني]

الزبــــــــــــــــــــده:

1- لو كان مع امك يالمتخصص مصوط عصيده ورضختبه راسك كان ما مزحت معها وكانت وتاتيلك فصخه

الله يرجك يا ابرامكيس والله اني اول مره اضحك على كتاباتك ...
لك تحياتي جم ايها الناقد...
والله اني باقي اضحك هههههههههههههههه


عرب ربي
سهيل ام يماني

[حاتم العسيري]

بسم الله
قسم اني تمددت ضحك على كلامكم الله اكبر عليكم والكلام والله انكم تعجبوني وانا دخلت هالمنتدىوانا متردد لكن دامكم المشاركين فيه وربي لا شارك وافتخر بصحبة مثلكم رجال ونعم فيهم الف عموما تحياتي لكل ماسح يحب الفرفشه

[Al-EmBrAtOr]

الله يرجك يا ابرامكيس

متى بتكمل هذا المووووضوع

يالله انا بتبرع باي موووضوع

بس تكفى قلي وشو قبل ما تنشره لان حقوق النشر محفوظة

[ابر امكيس]

ايام باااااااااااك تو ذس موضوع بت نو زعلنج


اوكيه




سيراميكو

[الجارح]

|4|

[بن دحمان]

ابرامكيس انت بدعة ونابغة بل و فيلسوف كبيييييير.
وشكلك فلضي بقوة .....ها ها ها ها ها ها ها .
لالا من جد موضوعك او بلاحرى تحريجك المهذب اعجبني .

[بن دحمان]

ابرامكيس انت بدعة ونابغة بل و فيلسوف كبيييييير.
وشكلك فاضي بقوة .....ها ها ها ها ها ها ها .
لالا من جد........... موضوعك او بلاحرى تحريجك المهذب اعجبني .

[Al-EmBrAtOr]

وحد اتنين تلات ربع

[الشاهين]

والله انك رائع يا سيراميكو ... لازم نقلبها خبال شويه .. اجل جد في جد ما نكسر الروتين .. وخبالك رقص شاطر مملوح .... الله لايخلينا يا بو خليل ..
انا ناوي اجمع مواضيعك ومجنونياتك في كتاب بس خلها تتجمع وتكثر .. يعني الخراطين اللي يكتبون الاعمده في الجرايد ثم يجمعونها في كتاب احسن منك .. عندي اقرا مجنونياتك ولا مجنونيات ابو الجعافر في الوطن ... ولاّ الثانين القشطيني وباجبير اللي ما خلصت قهوتهم .. وكل سواليفهم : كنت في احد مقاهي الشانزيليزيه احتسي قدحا من القهوه وامامي برج ايفل الشهير اتأمله واتصفح ما خطته انامل احد الكتاب عن العولمه ...الخ ........ والله ان عندي جلسة في قهوة بن عباس ايام البرد احسن من باريس وبرجها ...
حتى الهمداني ومقاماته اللي ذبحونا بها زمان في الادب ما هي بشي مع مجنونياتك ...
اجل بالله عليكم تقارنون " اشتهيت الازاد وانا ببغداد ولم يكن معي عقد على نقد فاذا انا بسوادي يجر بالجهد حماره ... " برائعة ابرامكيس المشهوره " سأغمس كسرة خبزي في صحن عينيك " , الثرى والثريا ... ولاّ الجاحظ وخرابيطه , والثاني ذاك نجيب محفوظ وسواليفه اللي ماغير يكذّب علينا ....
ابر امكيس وبس
ابرامكيس وبس
ابرامكيس وبس
هيييييييييييييييييييييييي ياابرامكيسو ياموج البحر ........

[عبوود]

وأنااااااااااااااااااااا


معكم

[محمد فطيس]

أقـوووول ونـعـم بـوجـهـــك ... يـا أبــرامـكـيــس


مـوظــوع جـمـيل وخـبـال أنـيـق وفـكـره حـلــــوه وشـغـل حـامــي ....


وكـمـا فـي قـسـم الأسـتـراحـة .. كـلـه فــرررري خـذ راحــتــك عـنـدك واسـطــة ........


أكـمـل ......... أكـمـل ......