موسوعة عسير القصصية

[لطامة الغاوي]

بسم الله الرحمن الرحيم

عندما تكون( راوي ) و معك مجموعة من الراويين و يطلب منك في يوم من الأيام رواية أو قصة فلا شك أنه لا أجمل من قصص البيئة التي تنتمي إليها و بما أننا نحن من أبناء ( عسير ) فعلينا جمع قصصنا و روايتنا و ذكرياتنا فلا يخفى أن في داخل جبال عسير العديد من القصص و الروايات المفيدة و الطريفة و الحزينة و منها أيضاً عبرة و فائدة التي لو اتى مخرج سينمائي لعمل منها أفلام قصصية أو حتى مسلسلات تلفزيونية فلذا فلنحاول نجمع أكبر عدد من القصص و الرويات لننشئ ( موسوعة عسير القصصية ).

المطلوب :
1- كتابة ( رواية - قصة - قصة قصيرة - سالفة ) . من تراثنا الشعبي فعليك أخي العضو كتابة قصة حدثت في قريتك أو قبيلتك أو سمعت عنها.
2- لا يشترط ذكر الأسماء أو تحديد قرية أو قبيلة.
3- لا مانع أن تكون من نسج الخيال لكن بشرط أن تكون أقرب إلى الواقعية.


و أوجه دعوة خاصة إلى العضو (نصر) و العضو (هضباوي) للمشاركة حيث لاحظت نشاطهم في هذا الجانب و منهم أقتبست هذه الفكرة.

[لطامة الغاوي]

أم محمد و بيوت النمل


ام محمد … حرمه عن سبعة رجال … زوجها متوفي .. وتعيش في بيتها الطين … ومعها ولدها محمد وزوجته عايشه… ام محمد ما تقر(ماتقعد في مكان) … لها الف شغله … تطحن … وتسرح بالغنم .. وتخيط وووو … وفي يوم من الايام وهي راجعه بغنمها … حول المغرب … والجو مظلم … راحت تحت طلحه تقضي حاجتها ( الله يكرمكم)… والمشكله انها عملتها على بيت قعاصيص ( نمل ) … وراحت لبيتها ومانامت ذيك اليله … قامت تصايح وتقطع ثيابها … وما خلى ولدها محمد شي ماسواه معها … عالجها في كل مكان وقروا عليها المطاوعة … وماكتب لها الله شفا … صار شكلها يخلع … اهل زوجة ولدها عايشه اخذو بنتهم يقولون عندها ولدها محمد ( خايفين على بنتهم) \ … وكان فيه رجال يعالج طب عربي اسمه صالح … بس محمد مايبغى يروح له … ويوم شاف امه انفسخ عقلها …. وكل يوم طالعه في القريه تصايح وتطرد البزارين وترجم الناس … قال الظاهر مالي الا صالح … راح لصالح ودخل عليه… وقال له حالة امه … وقبل مايكمل قالت له انا عارف امك وش فيها … امك متبولة على بيت قعاصيص قبل المغرب ولا سمت … وهذا بيت عفاريت ... وماتو كلهم .. حرمه وزوجها وولدهم الصغير ... مسك راسه محمد ... وقال طيب تكفي افزع لي ... قال له اذا جا بكره الظهر وضربت الشمس كانها قرص في كبد السما ....جب لك قطعة قماش لها سنه مرميه في الخلا ... وجب قطعة من شيله لامك لها 10 سنين ما لبستها … وجب رماد قديم … واطحنهم مع بعض … ثم جب لك كبدة عنز نيه واخلطها واقسمها نصفين ووكلها لامك … والنصف الثاني روشها به … ثم نومها ولا تسمي عليها ولايصير عندكم احد …. وخلها في فراشها الي بكره بعد الظهر ….

وراح محمد وسوى كل الي قاله صالح …. وهجدت امه معاد تحركت كنها ميته … شافها محمد وقام يصيح امي ماتت امي ماتت … الله لا يوفقك يا صالح … وطلع وعلم الناس ان امه ماتت … وجا امام المسجد وشافها وقال له محمد كل القصه … قاله اصبر لبكره الظهر ونشوف ...

يوم جا اليوم الثاني الظهر جا الامام لمحمد في بيت امه … وهو بيت صغير … يوم دخل المطوع شاف ام محمد متمدده في الفراش وملحفه … قال لولدها هاه بشر ما تحركت ولا تكلمت … قال محمد لا والله على ماهي … وقعد محمد هو والامام يتقهوون حتى اذن الظهر وراح الامام يصلي … وما امداه يتحرك الا محمد يصيح ابشرك ماماتت … باخليها تتغطى تعال اسالها … دخل محمد وحضن امه وهو بيتشقق من الفرحه …ثم غطاها وجى المطوع وسلم عليها … وردت عليه … وسالها … قالت الي صار شي مايصدقه العقل ….

جا عندي وانا نايمه … جنيين معهم حمار … شالوني وسدحوني على ظهر الحمار وانا اصايح محمد يا محمد يا محمد … لكن ما حولي احد … مشوا مشوا مشوا مشوا … وهم سادحيني على الحمار ويمشون بي كنت اشوف الناس واصيح ابغاهم يساعدوني .. لكن ما كان احد يلتفت ... كني غير موجوده … ومرو من عند عجايز جن قاعدين في الوادي … وسلمو عليهم .. وقال واحد من العجايز هذا هيه … قال واحد من الي ماسكيني ابشركم جبناها … وما جابها الا الله ثم صالح … قال واحد من العجايز وين تودونها .. قالو بنوديها على طول للمحكمه مامعنى وقت … لها فرصه الي بكره الظهر بس … تقول ام محمد شي ما يتصدق … كل ذلعفاريت بينا … كل ذلعفاريت معنا في قريتنا ومادرينا عنهم … الله ما اكثرهم … ومشو بالحمار وانا فوقه الي ان وصلنا المحكمه … ونزلوني من الحمار ودخلوني المحكمه … وسالوني انت قتلتي عائله كامله … انت تبولت على بيت قعاصيص قبل المغرب وما سميتي … انتي عارفه ان بيت القعاصيص بيت لجن … انتي عارفه انش قتلتيهم … انتي عارفه انا بنذبحش … صاحت ام محمد والله ماكنت عارفه والله اني مااذكر انا سميت والا لا … انا مادري انا مادري… وانا اصايح في المحكمه مادريت الا بذاك الشايب يدخل علينا ومشى الي وقف قدام الجميع … وقال انا اشهد ان هذا المره يوم تتبول على بيت النمل انها مسميه والله اني سمعتها … تقول ام محمد كنت احس وهم يحاكموني بصوت ضلوعي تحاك مع بعض .. وبعد مادخل الشايب وشهد معي … راح الي مضيق عليه وحكم القاضي ببرائتي … وقال القاضي رجعوها لولدها … شالوني على الحمار وطلعنا من المحكه … يوم وصلنا حول آلجبل الي قبل القريه الا فيه دق تنك و طبول واغاني .. سالت الي شايليني على الحمار اش هاذا قالو هذا عرس … تبغين تحضرينه … قلت لهم بس اشوفه يوم تلفت الي زحمه عفاريت والملابس والشعور والرقص الي ماقد شفت مثلها وعند الباب ذيك الحرمة الي ماقد شفت احلى ولا اتحف منها … بياض وشعر الي وسطها … وطول وووو … قلت لها يابنتي جارنا ابو ناصر ماتت زوجته العام ماودش تعرسين به … قالت لاوالله يا ام محمد … مدري كيف عرفت اسمي … الجنيه ماتاخذ انسي …

تقول ام محمد طلعت من العرس وشالوني على الحمار … ومشو بي الين وصلوني بيتي وحطوني في فراشي… الله يوفق ذاك الشايب الي شهد معي ….

[شاص 80]

السلام عليكم ورحمة الله وبركاته
تسلسل قصصي رائع لكن في هذا الموضوع مخالفه شرعية ومنكر عظيم الا وهو الذهاب الى السحره والمشعوذين لان من طلبات صالح هذا الشيله اللي مالبستها 10سنوات او كيف درى عن مرض والدته قبل ما يكمل السالفة
قد تكون هذه القصه صحيحه او من نسج الخيال ولكن المشكله هنا هي في ايراد مثل هذه القصه التي تروج بطريقه او باخرى للذها ب للسحره والمشعوذين وهذا من ما نها الله عنه ورسوله
يقول صلى الله عليه وسلم ( من اتى كاهنا او عرافا فصدقه في ما يقول فقد كفر بما انزل على محمد ومن لم يصدقه لم تقبل له صلاة اربعين يوم ) او كما قال صلى الله عليه وسلم
والواجب علينا في هذا المنتدى العامر تعزير وتشجيع والقيام بتعاليم ديننا الحنيف وعدم تصديق الخزعبلات والكذب والامور التي لاترضي الله ورسوله
اخيرا اتمنى من الله العلي القدير ان يوفق الجميع لما يحب ويرضي

[نصر]

شكرا لك أخي لطامة الغاوي على هذه المبادرة

ونجاحها يعتمد على مشاركة الأعضاء بطرح ما لديهم

واستجابة لطلبك مني شخصيا المشاركة، فسوف اشارك إن شاء الله